Njëzet çështje të rëndësishme që lidhen me islamin (pjesa 2)

11. A E ADHUROJNË MUSLIMANËT MUHAMMEDIN?
Jo! Muslimanët nuk e adhurojnë Muhammedin, e as që e adhurojnë ndonjë të dërguar tjetër të Zotit, shenjtor apo krijesë. Muslimanit nuk i lejohet që t’i falet, lutet, ose t’i përkushtoj ndonjë lloj ibadet ndonjë krijese tjetër, përpos, të Vetmit, Zotit të të gjitha botëve. Allahu, xh.sh., thotë: “Thuaj: "Unë jam vetëm njeri, sikurse edhe ju, mua më shpallet se vetëm një Zot është Zoti juaj, e kush është që e shpreson takimin e Zotit të vet, le të bëjë vepër të mirë, e në adhurimin ndaj Zotit të tij të mos e përziejë askënd". (Kehf, 110.)


12. CILI ËSHTË QËLLIMI I EKZISTIMIT TONË?
Duke i soditur krijesat e Allahut, ne, pashmangshëm, do të vijmë në përfundim se të gjitha krijesat kanë qëllimin e tyre. Nëse hedhim vështrimin në harmoninë e cila ekziston në gjithësi, krahas gjithë shtrirjes së saj të madhe ajo, përsëri, është e orkestruar në mënyrë të përkryer sinkronizuese.
Trupi i njeriut dhe proceset e tij të llojllojshme, sikur mendimet, lëvizjet, të parët dhe mundësit e tij për t’u këndellur. Toka dhe numri i saj i pafund i gjallesave të gjalla, bimëve, perimeve dhe krijesave të ndryshme. Sistemi hidrometeorologjik, stinët dhe ujëvarat në natyre. Me të vërtetë, të gjitha gjërat kanë janë të caktuara, më së shumti për nevojat njerëzore. Allahu, xh.sh., thotë: “Unë nuk i krijova xhinët dhe njerëzit për tjetër pos që të më adhurojnë.” (Dharijat, 56)
Ashtu sikur thotë ajeti në çështjen nr. 8., të gjitha gjërat i nënshtrohen Krijuesit duke i ndjekur ligjet natyrore të cilat janë krijuar për to. Ne jemi të krijuar në gjendje të nënshtruar, e jo në gjendje mëkati, pasi që ne nuk vendosëm për krijimin tonë, dhe ashtu njëjtë do të vdesim të nënshtruar (Allahut). Ndërmjet këtyre dy afateve, njeriut i është dhënë aftësia e të menduarit që vullnetarisht t’i nënshtrohet Zotit të tij. Vërtetë të gjithë do të vdesim, ndërsa askush nga ne nuk e di se kur. A nuk është koha që t’i nënshtrohesh Zotit tënd?


13. CILA ËSHTË E VËRTETA MBI ISUSIN (ISAIN, A.S.)?
Isusi (Isai), i biri i Marias (Mejremes), është rob dhe i dërguari i Allahut. Allahu, xh.sh., në Kur’an thotë që lindja e Isusit (Isait) ishte mrekulli (mu’xhize): “Vërtet, çështja e Isait (të lindur pa baba) tek All-llahu është sikurse çështja e Ademit. Atë e krijoi Ai nga dheu, e pastaj atij i tha: "Bëhu"! ai u bë.” (Ali Imran, 59.) Si i dërguar, ai, me ndihmën e Allahut, ka bërë disa mrekulli (mu’xhize) siç është ringjallja e të vdekurve, shërimi i të verbërve dhe të sëmurëve, dhënia jetë shpezëve nga argjiri dhe aftësia për të folur qysh si foshnje (si i porsalindur). Isusi (Isai) e solli të njëjtën shpallje si edhe të gjithë të dërguarit e tjerë të Zotit. Ai nuk guxon të jetë i adhuruar si “djali i Zotit”. Allahu, xh.sh., Isain e gjallë (e jo të vdekur) e ka lartësuar pranë Vetes, prej nga ai (Isai) do të kthehet që ta rivendos ligjin e Allahut në tokë.


14. CILA ËSHTË E VËRTETA MBI “DJALIN E ZOTIT”, “TRINITETIN” DHE MARIASË?
Krijuesi yt thotë: “Bënë kufër (mohuan të vërtetën) ata që thanë: "All-llah është ai, Mesihu, biri i Merjemes". E vetë Mesihu, (Isai), tha: "O beni israilë, adhurojeni All-llahun, Zotin tim dhe Zotin tuaj, sepse ai që i përshkruan Zotit shok, All-llahu ia ka ndaluar (ia ka bërë haram) atij xhennetin dhe vendi i tij është zjarri. Për mizorët nuk ka ndihmës. Gjithashtu bënë kufër (mosbesim) ata që thanë: "All-llahu është i treti i treve". S'ka në gjithësi tjetër pos një All-llahu, e nëse nuk pushojnë nga ajo që thanë (tre zotëra), do t'i kapë dënim i dhembshëm ata që nuk besuan prej tyre. E pse të mos pendohen dhe të kërkojnë te All-llahu falje, kur All-llahu dihet se falë shumë, është mëshirues? Mesihu, biri i Merjemes, nuk është tjetër vetëm se i dërguar; para tij pati shumë të dërguar. Nëna e tij ishte e drejtë (e ndershme). Që të dy ata ishin që ushqeheshin (si njerëzit tjerë). Ja si u sqarohen atyre argumentet dhe shih pastaj se si ia kthejnë shpinën të vërtetës! (Maide, 72-75.)


15. AI I SHTYP ISLAMI GRATË?
Jo! Përkundrazi, islami para 1400 viteve e liroi gruan. Në atë kohë në Evropë, dijetarët e krishterë merreshin se a kanë femrat shpirt, dhe nëse kanë, a i kanë ato shpirtra kafshore apo njerëzore? Deri para do kohe mbiemri i gruas është ndryshuar nga ana e burrit në mënyrë që të tregohet se ato janë nën pronësi të burrave të tyre. Sa i përket islamit, gratë janë të barabarta me burrat në çdo akt hyjnor, ato i mbajnë mbiemrat e tyre, u është lejuar që ta zotërojnë pasurinë e tyre, të zgjedhin se me kë do të martohen, kanë të drejtë që të kërkojnë shkurorëzim, kanë të drejtë në trashëgimi, kanë të drejtën nga burrat e tyre që t’i mbrojnë dhe t’i furnizojnë. Hixhabi (mbulesa islame) ua ngriti autoritetin dhe ua dha lirinë. Në Perëndim, gratë konsiderohen lëndë seksuale e cila shfrytëzohet dhe hidhet. I vërejmë se si i shfrytëzojnë gjatë shitjes së automobilave, pijeve alkoolike, madje edhe në reklamimin e gumave përtypëse. Në islam, femrat janë të lartësuara në atë shkallë, e cila e kapërcen rolin që u është dhënë në cilëndo fe ose kulturë. Nuk guxohet që gratë të keqpërdoren dhe të shtypen, por duhet që të respektohen dhe të kihet kujdes mbi to. Si rezultat i gjithë kësaj, Islami është feja e cila midis femrave ka shënuar rritjen më të shpejt në botë.


16. A ËSHTË E LEJUAR POLIGAMIA (MARTESA ME SHUMË GRA)?
Po! Islami martesën e rregullon ashtu që meshkujve ua lejon që të martohen deri në katër gra, por me kusht që ato të trajtohen drejt dhe barabartë. Së pari mashkulli duhet që të jetë i aftë financiarisht që të martohet me grua tjetër, që asaj t’i siguroj vendbanim të veçantë dhe të ketë mundësi që, midis tyre, kohën e tij ta kalojnë njëjtë. Në shoqërinë perëndimore shumë burra, të cilët janë të martuar me nga një grua, i kanë shprehi edhe lidhjet jashtëmartesore. Kështu në “USA Today” (4 prill 1988., Section D) është publikuar anketa në të cilën është shtruar pyetja për 4700 dashnore në lidhje me atë se çfarë statusi do të dëshironin që ato të kenë (dashnore apo grua e dyte, sekondare). Ato janë përgjigjur: “Unë më shumë do të doja që të isha grua e dyte, se ajo tjetra”. Shkaqet për një përgjigje të këtillë gjenden në faktin se ato nuk kanë pasur asnjë të drejtë zakonore, e as që kanë pasur barazi financiare me gratë e martuara ligjërisht, kështu që është llogaritur se meshkujt vetëm se i kanë shfrytëzuar ato. Islami qartë është kundër lidhjeve jashtëmartesore dhe paramartesore, (zinasë, prostitucionit) pasi që këto çojnë deri te prishja e shoqërisë dhe alarmi i sëmundjeve ngjitëse gjenitale. A nuk ndjehet keq njerëzit kur fëmijët e tyre i kanë të paligjshëm? Ata fëmijë kanë të drejtën e tyre që të rriten duke e ditur se kanë prindër të cilët janë përgjegjës të mjaftueshëm që ta planifikojnë ardhjen e tyre në këtë botë. Askush nuk do të dëshironte që t’i thuhej se ai është produkt i një akti të pafat.
Zgjidhja islame e poligamisë është zgjidhja më e mirë për këto probleme komplekse në raportet ndërmjet burrave dhe grave, probleme të cilat shoqërinë tonë e kanë sëmurë.


17. A E PROMOVON ISLAMI TERRORIZMIN?
Absolutisht jo! Islami i gjykon të gjithë llojet e terrorit. Përdorimi i domosdoshëm i fuqisë lejohet vetëm atëherë kur dikush duhet ta mbron veten, familjen e tij, të drejtën e zbatimit të obligimit feta ose në luftën kundër tiranisë dhe shtypjes. Muslimanët të cilët i flakin ndërtesat dhe i mbysin njerëzit e pafajshëm nuk veprojnë në bazë të asaj që islami mëson.


18. A KA NË ISLAM RACIZËM?
Jo! Muslimanë ka në të gjitha vendet e tokës, qofshi ato Evropianë, Afrikanë, Aziatikë ose Amerikanë. Çdo i pesti njeri në tokë është musliman, që do të thotë se ne botë ka (mbi, M.A.) 1,2 miliard muslimanë. Islami e promovon harmoninë dhe tolerancën racore. Allahu, xh.sh., thotë: “O ju njerëz, vërtet Ne ju krijuam juve prej një mashkulli dhe një femre, ju bëmë popuj e fise që të njiheni ndërmjet vete, e s'ka dyshim se te All-llahu më i ndershmi ndër ju është ai që më tepër është ruajtur (këqijat), e All-llahu është shumë i dijshëm dhe hollësisht i njohur për çdo gjë.” (Huxhurat, 13.) Kjo është në kundërshtim me gënjeshtrat e pavërteta të Louis Farrakhanit kundër islamit, kur thotë: “Allahu u paraqit në formën njerëzore të zotëri W. Fard Muhammedit”, ose : “Ne (zezakët) jemi nacionaliteti burimor në tokë. “ Besimtarët e lusin Allahun, xh.sh., për mbrojtje kundër këtyre gënjeshtrave të cilat thuhen kundër Tij. Amin.


19. A I KA PARASHIKUAR KUR’ANI ZBULIMET E REJA NË SHKENCËN MODERNE?
Po! Pasi që Kur’ani ka ardhur nga Krijuesi i qiejve dhe tokës, ajo për çfarë këtu bëhet fjalë është thjeshtë ajo që shkenca gradualisht e vërteton atë që është thënë në Kur’an. Shembujt për këtë janë: Ekspanzimi (zgjerimi) i gjithësisë, për çfarë në Kur’an është shpallur: “Ne, me forcën tonë e ngritëm qiellin dhe Ne e zgjerojmë atë.” (Dharijat, 47.) Gjithë ajo që është e gjallë, është krijuar nga uji: “A nuk e dinë ata, të cilët nuk besuan se qiejt e toka ishin të ngjitura, e Ne i ndamë ato të dyja dhe ujin e bëmë bazë të jetës së çdo sendi; a nuk besojnë?” (Enbija, 30.)
Tremujori: “…Ai u krijon juve në barqet e nënave tuaja, krijim (etapë) pas krijimi në tri errësira. Ky është All-llahu, Zoti juaj, vetëm i Tij është pushteti, nuk ka zot tjetër pos Tij. E si pra, i shmangeni (adhurimit të Tij)?” (Zumer, 6)
Ekzistojnë edhe shembuj të tjerë të cilët tregojnë se Kur’ani është nga Zoti yt. Allahu, xh.sh., thotë: “A nuk e përfillin ata (me vëmendje) Kur'anin? Sikur të ishte prej dikujt tjetër, përveç prej All-llahut, do të gjenin në te shumë kundërthënie.” (Nisa’, 82.)


20. A DO TË DUHEJ QË UNË MENJEHERË TË KALOJ NË ISLAM?
Absolutisht! Nëse besoni në atë që e lexuat në këtë broshurë, ne ju kishim rekomanduar që të mos zgjateni. Ju, tani, jeni përgjegjës për atë që dini mbi Islamin. Islami, shumë njerëzve u solli harmoni në jetë, vendosi diciplinën, u dha atyre respektin dhe dinjitetin, si dhe solli paqen dhe qetësi në shoqëritë në të cilat kanë marrë frymë sëmundje mentale, materializmi ekstrem, droga, shkalla e lart e kriminalitetit dhe rënia totale e moralit njerëzor. Allahu, xh.sh., ne na alarmon ne Kur’an, duke thënë: “O ju që besuat, kini frikë All-llahun me sinqeritet të vërtetë dhe mos vdisni, pos vetëm duke qenë muslimanë (besimtarë)!” (Ali Imran, 102.)
Nëse do të donit të kalonit në islam, atëherë kthejuni çështjes me nr. 7.
Ne ju ftojmë që të kaloni menjëherë në islam.


E përktheu në gjuhë boshnjake: Jasmin GANIĆ
E korrigjoi: Adnan BALIHODŽIĆ
E shqipëroi: Mehas Alija
www.breziiri.com