Njëzet çështje të rëndësishme që lidhen me islamin

Në emrin e Allahut, Mëshiruesit, Mëshirëbërësit


Fjala “islam” do të thotë paqe dhe nënshtrim ndaj vullnetit të Zotit i Cili është i vetmi që meriton të adhurohet. Paqja është të qenët i kënaqur me vetveten dhe me gjithë atë që të rrethon, e cila mund të arrihet vetëm nëpërmjet nënshtrimit vullnetar ndaj Zotit, me respektim ndaj asaj që Ai e ka urdhëruar dhe me largim nga ajo që Ai e ka ndaluar.

1. KUSH ËSHTË ALLAHU?
Allah është emër arab i cili do të thotë “Zot”. Allahu është Krijues, Furnizues, Planifikues, Organizues. Ai është qenia e vetme e cila e meriton të adhurohet (p.sh., që t’i bëhet ibadet, lutet, agjërohet, etj.) Në islam, besimi në një Zot të Vetëm nuk mund të jetë i ndarë nga vetë veprat hyjnore të një Zoti të Vetëm. Me fjalë të tjera, nuk mjafton vetëm se të mendohet se beson në njëshmërinë e Krijuesit, porse ky besim duhet që të vërtetohet me gojë dhe vepër. Për shembull, besimi në njëshmërinë e Krijuesit mund që të jetë i pavlefshëm nëse, para së gjithash, adhurimi i përkushtohet njeriut (ose cilësdo krijesë tjetër).

2. KUSH ËSHTË I DËRGUAR?
I Dërguar është ai person të cilin Zoti e ka obliguar që njerëzit t’i thirr në adhurim dhe besim në një Zot të Vetëm. Të gjithë të dërguarve të Zotit, Allahu xh.sh., u ka dhënë mu’xhize (mrekulli, fuqi mbinatyrore) si argument për pejgamberinë e tyre. Për shembull, Musait a.s., iu dha mu’zhizja që t’i liroj Benu Israilët (Bijtë e Israelit, d.m.th., Hebrenjtë); Isait, a.s., iu dha aftësia që t’i shëroj të sëmurët dhe që, me ndihmën e Allahut, t’i ringjall të vdekurit; ndërsa Muhammedit, a.s., iu dha Kur’ani i cili është i përjetshëm dhe fjalë e Allahut. Paqja dhe mëshira e Allahut qoftë mbi të gjithë të dërguarit.


3. ÇKA ËSHTË KUR’ANI?
Kur’ani është shpallja e fundit e Zotit tonë. Është shpallur në gjuhën e pastër arabe dhe i është shpallur të Dërguarit Muhammed, ndërsa është i pandryshuar dhe i ruajtur në formën burimore të tij. Përkthimi nuk është fjalë e Allahut (Kur’an – M. A.), por njëra nga interpretimet e përgjithshme të kuptimeve të Kur’anit. Kur’ani vërteton të vërtetën e shpallur në Tora (Tevrat), Psalmë (Zebur) dhe Ungjill (Inxhil).


4. KUSH ËSHTË MUHAMMEDI?
Muhammedi është pejgamber dhe i dërguari i fundit i Zotit. Ai lindi nga fisi Kurejsh në vitin 510. Origjina e tij arrin deri te i dërguari Ismail, i biri i të dërguarit Ibrahim. Babai i Muhammedit vdiq para se ai të lind, ndërsa e nëna e tij Eminja vdiq para se ai t’i mbush plotë gjashtë vjet. Si i ri ishte i njohur me nofkën El-Emin (Besniku). Ai e kishte bërë shprehi të vetmohej në shpellën Hira, jashtë Mekkes, ku meditonte dhe mendonte mbi veprimet amorale dhe traditat e arabëve pagan. Shpalljen nga Zoti e pranoi në vitet e tij të dyzeta nëpërmjet Xhibrilit (Gabrielit). Pas kësaj, shpallja i erdhi për gjatë periudhës 23 vjeçare dhe u formësua në një Kur’an.


5. CILAT JANË SHTYLLAT E ISLAMIT (SHARTET E ISLAMIT)
Islami ka pesë shtylla (ose sharte të islamit):
1. (Iman) Besimi se asnjë qenie nuk është meritore për t’u adhuruar përveç Allahut, xh.sh., dhe se Muhammedi është pejgamberi dhe i dërguari i fundit i Zotit.
2. (Salat) Lutja, e cila kryhet pesë herë në ditë.
3. (Sijam) Agjërimi i muajit të Ramazanit. (E që është) Përmbajtja nga ushqimi, pija dhe kontakti intim me bashkëshorten nga lindja deri në perëndim të Diellit.
4. (Zekat) Ndarja vullnetare 2.5 % nga sasia e pasurisë së tubuar prej një muslimani në dobi të të varfërve, e cila ndodh një herë në vit, me të cilat ai e ruan pasurinë e tij.
5. (Haxh) Haxhi është vizita e Qabes e cila gjendet në qytetin e shenjt të Mekkes. Muslimanët obligohen, natyrisht nëse janë të aftë fizikisht dhe financiarisht, që së paku një herë në jetë ta kryejnë këtë obligim.


6. CILAT JANË BAZAMENTET E BESIMIT (SHARTET E IMANIT)
1. Besimi në Allahun, Njëshmërinë e Tij, duke mos i përshkruar Atij asnjë partner.
2. Besimi në melaqet e Zotit (Xhebraili, Mikaili, Israfili, etj. etj.)
3. Besimi në shpalljet e Zotit (Tevrat, Zebur, Inxhil) në formën e tyre burimore, e jo në atë se çfarë janë sot.
4. Besimi në të dërguarit e Allahut (Nuh, Ibrahim, Musa, Isa, Muhammed, etj.)
5. Besimi në Ditën e Gjykimit.
6. Besimi në caktimin e Allahut, qoftë ai i mirë apo i keq.


7. KUSH ËSHTË MUSLIMAN?
Musliman është ai i cili i praktikon pesë shtyllat e islamit (shartet e islamit) dhe beson në bazamentet e fesë (shartet e imanit). Për t’u bërë musliman duhet që të shqiptohet deklarata: "Eshedu en la ilahe il-lall-llah; ve eshedu en-ne Muham-meden 'abduhu ve resuluhu."Që do të thotë: “Dëshmoj se nuk ka Zot tjetër përveç Allahut, dhe dëshmoj se Muhammedi është rob dhe i dërguar i Tij”. Të gjithë të dërguarit para ardhjes së Muhammedit kanë qenë muslimanë. Nga kjo nënkuptohet Nuhi, Ibrahimi, Ishaku, Jakubi, Musai dhe Isai. A ka dyshim që këto të dërguar të Zotit të kenë mundur që të mos i nënshtrohen vullnetit të Krijuesit? Allahu, xh.sh., në Kur’an thotë: “Ibrahimi nuk ka qenë as jehudi as i krishterë, por ai ishte larg besimeve të kota, ishte musliman dhe nuk ishte prej idhujtarëve.” (Kur’an, 3:67) Me rëndësi është të përmendet se fetë tjera emrat e tyre i kanë marrë në bazë të emrit të vendit ose personit. Për shembull: Jehudizmi është nxjerr nga emri i fisit Juda, hinduizmi sipas fjalës Hind, budizmi sipas Budës, ndërsa krishterimi sipas Isus Krishtit. Islami është i vetmi religjion i shpallur dhe mënyrë e jetesës, i cili në mënyrë të drejtpërdrejtë i lidhë besimtarët e tij për nënshtrimin e Krijuesit.


8. A ËSHTË ISLAMI E VETMJA FE E PRANUAR TE KRIJUESI?
Po! Ashtu siç e shpjeguam në hyrje, Islam do të thotë paqe krahas nënshtrimit të vullnetit të Allahut. Kush e zbaton këtë ai emërtohet si Musliman. Andaj, e vetmja qe Krijuesi do ta pranoj është nënshtrimi ndaj Tij. Allahu, xh.sh., thotë: “A mos kërkojnë ata (ithtarët e librit) fe, pos fesë së shpallur nga All-llahu? E Atij i është dorëzuar gjithçka ka në qiej e në tokë, me dashje e pa dashje dhe tek Ai kthehen. Thuaj: "Ne i kemi besuar All-llahut, edhe asaj që na u zbrit neve, edhe asaj që i është zbritur Ibrahimit, Ismailit, Is'hakut, Jakubit dhe pasardhësve. Edhe asaj që i është dhënë Musait dhe Isait, edhe asaj që i është zbritur të gjithë pejgamberëve nga Zoti i tyre. Ne nuk bëjmë kurrfarë dallimi në mes tyre dhe ne vetëm Atij i jemi dorëzuar. E kush kërkon fe tjetër përveç fesë islame, atij kurrsesi nuk do t'i pranohet dhe ai në botën tjetër është nga të dëshpëruarit.” (Kur'an 3:83-85)


9. A DO TË JENË VEPRAT E PABESIMTARËVE TË PADOBISHME?
Po! Allahu, xh.sh., thotë: “Thuaj: "A t'ju tregojmë për më të dëshpëruarit në veprat e tyre? Ata janë veprimi i të cilëve u asgjësua në jetën e kësaj bote, e megjithatë ata mendojnë se janë kah bëjnë mirë. Të tillët janë ata që nuk besuan argumentet e Zotit të tyre as takimin (ringjalljen) e Tij, andaj veprat e tyre shkuan huq dhe në ditën e gjykimit atyre nuk do t'u japim kurrfarë vlere. Këtë, ngase shpërblimi i tyre është xhehennemi, për shkak se nuk besuan dhe argumentet e Mia e të dërguarit e Mi i morën për tallje. S'ka dyshim se ata që besuan dhe bënë vepra të mira, vendpritje për ta janë xhennetet e Firdevsit” (Kur'an 18:103-107)


10. ÇFARË ËSHTË BOTA TJETËR?
Bota e përtejme është e ardhmja e fundit e gjithë asaj që ekziston në këtë botë, e cila fillon nga momentet e vdekjes. Koha në të cilën njerëzimi nga varret e tyre do të jetë i ringjallur, e pastaj do të nxirret në mënyrë që të jep llogari për veprat e mira dhe të këqija. Allahu, xh.sh., thotë: “Betohem në ditën e kijametit; Betohem në shpirtin që është shumë qortues! A mendon njeriu se nuk do t’i tubojmë eshtrat e tij? Po, do t’ia tubojmë! Duke qenë se Ne jemi të zotët t’ia rikrijojmë si kanë qenë edhe majat e gishtave të tij! Por, njeriu dëshiron të vazhdojë edhe më tej në mëkate. Andaj edhe pyet: “Kur është dita e kijametit?” E, kur të merren sytë (të parët)? E të zëhet hëna (errësohet), Dhe të bashkohen dielli e hëna. Atë ditë njeriu do të thotë: “Nga të iket!” Jo, nuk ka strehim! Atë ditë vetëm te Zoti yt është caku! Atë ditë njeriu do të njihet me atë që çoi para dhe me atë që la prapa. Po njeriu është dëshmitar i vetvetes. Edhe nëse i paraqet arsyetimet e veta.” (Kijame: 1-15.)